Re: [ordbanken] Ny versjon av Norsk ordbank

[Karl Ove Hufthammer]

Karl Ove Hufthammer skreiv 03. juli 2018 16:46:
> […]
> Alt dette gjer at det er ein del arbeid med å tilpassa programmet 
> Ordbanken til å kunna bruka den nye versjonen. Det er rett og slett 
> mykje av innmaten i programmet som må skrivast om for å handtera det 
> nye filformatet. 

Eg fann ut at det som truleg ville gje opphav til *færrast* nye feil var 
å prøva å gjera det nye filformatet om til det gamle. Då er det ikkje 
mange endringar i sjølve ordbokoppslagsprogrammet, berre i alt rundt 
(ulike konverterings- og byggjeskript).

Det ser ut til at eg har lukkast med desse endringane. Dei som vil 
testa, kan lasta ned nyaste versjon frå SVN. Eg vil nok venta med å gje 
ut ein *offisiell* versjon til etter at eg (og gjerne andre!) har testa 
ein del meir.

I mellomtida kan alle kosa seg med ei oversikt over kva ord som er nye 
eller fjerna i denne versjonen av ordlistefilene (samanlikna med den 
førre, over to år gamle, versjonen). Sender desse som separate e-postar, 
då førre gong eg prøvde å senda alt i éin (i går), kom ikkje e-posten fram.

--
Karl Ove Hufthammer